BULAWAYO - Kuliviki kuhlelo Woza Friday silomculi osacathulayo womdumo woMbhaqanga uSiyabonga Justin Mbano odabuka eLower Gweru ohamba ngegama lakhe lezomculo elithi Gutpa Langempela.
USiyabonga wasuka enkabazwe ukuyadinga amadlelo aluhlaza eMzansi lapho azipha igama elithi Gupta Langempela esebone amaIndia ayebizwa Guptas ayedume kakhulu eSouth Africa kwezemnotho, asizweni kuye ukuthi uzalwa kobani.
"KoMbano eVungu endaweni yase Lower Gwelo emaplazini ku Farm number 27, elomculo li Gupta langempela lakwa Msendo."
Kalasikhathi eside ecula uGupta
"Ngaqala ukucula ngo 2020 lapho engangibambisane khona lesinzwe okuthiwa nguzamcolo iskhukhula sase Nkayi lapho esasitshaya khona umculo kaMaskandi. Ngasengiyatshintsha ke mina okwamanje ngenza ama single asemathathu awodumo lombhaqanga."
UGupta uthi wathinteka ukuthi angene kwezomculo ngokubukela lokulalela abanye abaculi.
"Kwezomculo ngangibukela kakhulu kulensizwa yase South Africa igama layo kuthiwa ngu Mashwabane yakwaNongoma, yindoda engiyibukele kakhulu, yiyona engiyenze ngathanda lesisici somgxabanyawo, ingakho ngazengadlila kuwo ngangena ngawuthanda. Ngakhona sisazo sebenzinsana, siyaxhumana khona kuma social media."
Umculo kaGupta Langempela uyatholakala kuyo yonki ndawo lasemakhasini okuzilibazisa kunye lasebulenjini be Internet.
"Umculo wami kwa social media uyatholakala kwa Facebook, kwaWhatsApp usazotholakala kwaSpotify laku YouTube, nakuma USB usazotholakala uma engabe umuntu ezizela kimi mathupha.
USiyabonga uthi uzaphumelela kakhulu kwezomculo yikho nje eli Gupta Langempela nguye ebesilaye kuhlelo Woza Friday.
Forum