Kulandela ingozi emgwaqweni weBinga-Siabuwa ngeSonto ebholohweni leMasumu eduzane leSamende, lapho okubhubhe abantu abahlanu kwalimala abangamatshumi amabili lane, amapholisa asexwayise abatshayeli bezimota lamabhasi ukuthi betshayele ngonanzelelo njalo bengedlulisi inani labantu okufanele belithwale.
Embikweni owethulwe ngoMvulo, isikhulumeli samapholisa uMnu. Paul Nyathi uthe ababhubhileyo babalisa abesilisa oMnu. Pendas Munsaka we Magobo eSiabuwa, Shadreck Munkulu we Siachiyanze eSinampande, labesifazana oNkosazana Rosemary Mwinde, Maria Mudenda we Mukovela eMangala, lo sane obeluleminyaka emithathu uKinizi Munsaka we Kaningo eSinampande.
UMnu. Nyathi uthi izidumbu zabo ziseBinga Distict Hospital lapho okusacutshungulwa imbangela yemfa, i-post-mortem, njalo abalimeleyo bayelatshwa esibhedlela esifanayo.
Ummeli we Binga North edale lephalamende uMnu. Prince Dubeko Sibanda uthi abanini bebhasi ebiphakathi kwalingozi babikwa bephathisa imndeni yababhujelweyo.
Forum