Buyelani Ngakini Liyevota, Ngizalidingela Izimota Zokulithwala Mahala, uMalema Utshela abeZimbabwe abaseSouth Africa

WASHINGTON DC — Umkhokheli webandla eliphikisayo kweleSouth Africa eleEFF uMnu Julius Malema usekhuthaze izizalwane zeZimbabwe ezihlala eSouth Africa ukuthi zibuyele ekhaya ngobunengi ziyevota kukhetho oluzakwenziwa mhlaka 23 ngenyanga ezayo.

UMalema wethule amazwi la izolo njalo wathembisa ukuthi uzimisele ukuqoqa amabhasi azathwala abantu laba ngaphandle kwembhadalo.

Uthe izizalwane zeZimbabwe ezihlala kweleSouth Africa kumele zikunanzelele ukuthi zilomlandu omkhulu wokubamba iqhaza kuyo yonke imizamo yokulungisisa okuhluphayo elizweni labo.

Amazwi kaMalema aza ngesikhathi umkhokheli webandla eliphikisayo eZimbabwe eleCCC uMnu Nelson Chamisa esanda kwenza umhlangano eJohannesburg lezizalwane zeZimbabwe ezikhuthaza ukuthi zibuyele Ekhaya ziyevota ukuze kukhitshwe iZanu PF embusweni.

Umkhokheli wenhlanganiso yeAfrican Diaspora Global Network uDr Vusumusi Sibanda utshele iStudio 7 ukuthi ngempela zinengi izizalwane zaseZimbabwe ezikweleSouth Africa ezifuna ukuyavota mhlaka 23.

Embed share

Ingxoxo loDr Vusumuzi Sibanda

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:03:21 0:00

Lapho esitholakala khona

• 16 kbps | MP3
• 32 kbps | MP3
• 48 kbps | MP3

Ukudlala