WASHINGTON - Amalunga ebandla leCitizens Coalition for Change, elikhokhelwa nguMnu. Nelson Chamisa, athi athwaliswe amagabha avuzayo ngawebandla leZanu PF endaweni ezibalisa eMasvingo, eZvimba, Nyamandlovu, Inyanga, Mutasa lezinye ngesikhathi kulungiselelwa ukhetho olukhulu oluzaqhutshwa mhlaka 23 Ncwabakazi lonyaka.
Bathi kukhanya engani amalunga ebandla elibusayo adlelana lamapholisa ensitha ekuvimbeni imihlangano yabo njalo lokubatshaya. I-CCC ithi kuvinjwe imihlangano yebandla leli izolo eChikombedzi leChiredzi Central lapho uChamisa abefisa ukwethulela uzulu umbiko wakhe oqakathekileyo.
Ibandla leli namuhla lenelise ukwenza umhlangano wokukhankasela ukhetho oluzayo eBaradzanwa Business Center eBikita, esabelweni seMasvingo.
Ibandla leZanu PF liyakuphika ukuba lithwalise nzima amalunga eCCC ezabelweni ezitshiyeneyo.
Ukuze sihlaziye udaba lolu, sixoxe loMnu. Believe Gaule owebandla leZanu PF loMnu. Fortune Mlalazi, okubandla leCCC.
UGaule uthi akuladlakela lwezombusazwe eZimbabwe.
Kodwa uMlalazi uthi ibandla leZanu PF lithwalise nzima amalunga eCCC ezabelweni ezimbalwa.
Forum