MARYLAND - EleMelika linanza usuku lukazibuse namuhla kulabathakazelela umbuso kaMongameli Joe Biden labanye abawusolayo. Loba kunjalo bayajabula abantu abadla ezimnandi lemuli zabo labangane.
Abanye babuza ukuba kukhona na okungafundwa ngabantu beZimbabwe ngozibuse wakwele Melika.
Abezindaba abeReuters babika ukuba uMongameli Joseph Biden ukhangelelwe ukuba namuhla kusihlwa uzakwethula umbiko wakhe oqakathekileyo ngosuku lukazibuse olweIndependence Day.
Ukhangelelwe ukuba uzahlangana lemuli zabakubutho esigodlweni sika mongameli eWhite House lapho abazawose khona inyama. Elizweni lonke jikelele abantu abanengi bapheka okutshiyeneyo okudliwa lemuli zabo njalo basemidlalweni efana leyabaculi – ama music concerts, ukubukisa ubuciko bokutshibilika lokufola okuhleliweyo ama-parades lokunye.
Kukhangelelwe njengengenhlalayenza ukuba kuzalunyathiswa okuthakazelelwa nguzulu ama-fireworks namuhla kusihlwa. Loba kujabulwa kangaka, bakhona abachothoza umbuso kaBiden labanye abawuthakazelelayo.
Kambe bakhona na abadabuka eZimbabwe abancoma uzibuse wakwele Melika? UMnu. Den Moyo, odabuka eZimbabwe ohlala kwele Melika, ngomunye wabo.
UMoyo uthi bakhululekile abantu bakwele Melika.
Kodwa uMnu. Believe Gaule, okubandla leZanu PF, uthi kayincomeki inkululeko yakwele Melika.
UGaule uthi kungcono ukuba abantu bakwele Zimbabwe bencome eleRussia hatshi eleMelika.
Lokhu kusekelwa nguMnu. Joseph Tshuma, okubandla elibusayo.
EleMelika lathola uzibuse mhlaka 4 Ntulikazi 1776.
Forum