WASHINGTON - UMnu. Saviour Kasukuwere, ozancintisa kukhetho lukamongameli lonyaka, uthi uzabuyela eZimbabwe loba esethuselwa nguhulumende kaMongameli Emmerson Mnangagwa.
UKasukuwere utshele umsakazo weStudio 7 ukuba usezwile ukuthi uhulumende kaMnangagwa ufuna ukusebenzisa amapholisa ukuba ambophe engafike ezimbabwe esiyakhankasela ukhetho oluzayo.
Lokhu kulandela okwethulwe nguMnu. Chris Mutsvangwa othi uKasukuwere uzabotshwa engaphenduka eZimbabwe ngoba umthethwandaba wakhupha amaphepha okumbopha – amawarrant of arrest amabili kulandela ukumiswa kwakhe emthethwandaba esetheswa icala lokweqa umgcele okungekho emthethweni lamanye.
UKasukuwere uthi amaphepha la alahlwa ngumthethwandaba.
Isikhulumeli samapholisa, uAssistant Commissioner Paul Nyathi, utshele umsakazo weStudio 7 ukuthi uKasukuwere uzabotshwa angaphindela ekhaya.
UNyathi uthi kulama warrant of arrest amabili ameleleyo. Ukasukuwere wabaleka ezimbabwe kulandela ukugenqulwa kowayengumongameli umuyi uRobert Mugabe ngomnyaka ka2017. Kwakuthiwa wenza ukuganga labanye bakhe kuhulumende kaMugabe.
Forum