WASHINGTON - NgoMvulo lusuku lweziphepheli olweWorld Refugee Day, olunanzwa minyaka yonke mhlaka 20 Nhlangula.
Usuku lolu lwaqala ukunanzwa ngomnyaka ka2001 kuthakazelelwa iminyaka engamatshumi amahlanu kwenziwa ngo1951 umhlangano omkhulu oweRefugee Convention owaphuma lezinqumo zokuvikela iziphepheli.
Uhlangothi lwenhlanganiso yeUnited Nations High Commission for Refugees luthi kulabantu abedlula kancane izigidi ezilikhulu ababaleka emizini yabo emhlabeni wonke jikelele.
Phose ingxenye yabo – 32.5 million ngabasemazweni abo kuthi abafika phose izigidi ezinhlanu - 4.9 million ngabadinga uncedo kwamanye amazwe. Abedlula izigidi ezinhlanu – 5.3 milion badinga ukuvikelwa ngamazwe atshiyeneyo.
Iziphepheli ezifika amatshumi ayisikhombisa lane ekhulwini – 74% bagcinwe emazweni alabantu abampofu lathuthukayo. Amazwe amahlanu alabantu abanengi ababaleka emizini yabo ngele Syria, Venezuela, Ukraine, Afghanistan leleSouth Sudan. Amazwe amukela iziphepheli ezinengi agoqela eleTurkey, Colombia, Germany, Pakistan leleUganda.
Kuleziphepheli ezidabuka eZimbabwe ezihlala emazweni atshiyeneyo. Abanye bakwele Melika, South Africa, Australia, Kenya, Britain, Botswana, Mozambique, Swaziland, Canada lamanye.
UMnu. Aggrippa Sibindi, omunye wabasuka eKezi ngama 1970s bayahlala kwele Kenya, uthi uselamaphepha okuba yisizalwane sakwele Kenya.
Forum