Odabuka eZimbabwe Uthakazelela Ukuphiwa Ngele Kenya Amaphepha Aqondileyo Okuhlala Kulelolizwe

WASHINGTON - NgoLwesibili kunanzwa usuku lweWorld Refugee Day kulabadabuka eZimbabwe ababalaka ekhaya bayahlala kwamanye amazwe.

Inhlanganiso yomhlaba wonke jikelele eyeUnited Nations ithi kulabantu abedlula izigidi ezingamatshumi ayisikhombisa – 70,8 million ababaleka emizini yabo emazweni atshiyeneyo kusukela ngomnyaka ka2018.

Ithi phakathi kwabantu laba, kuleziphepheli ezifika izigidi ezingamatshumi amathathu – 30 million.

Ithi kulabanye njalo abangela ndawo zokuhlala emazweni abo ngenxa yempi yomvukela lokunye. Kulabadabuka eZimbabwe abayiziphepheli emazweni atshiyeneyo.

UMnu. Michael Sibindi, odabuka eMatobo owayeyisiphepheli kwele Kenya kusukela ngomnyaka ka1972, uthi okwamanje uselamaphepha aveza ukuba useyisizalwane sakwele Kenya.