BULAWAYO - Bekuxokozela namuhla edale lephalamende eHarare kulandela okwethulwe yikhomithi ebona ngezemithetho eyeParliamentary Legal Committee (PLC) eyethule umbiko othi akulalutho oluhluphayo ngenhlawulo – iNomination Fees yalabo abafisa ukuncintisa kukhetho olukhulu oluzaqhutshwa lonyaka eZimbabwe.
Abaphikisayo bazonde okumangalisayo besithi kuyamangalisa ukuba ikhomithi le ivumelane lokwethulwa yiZimbabwe Electoral Commission ngomnyaka ka2022 ukuba ofisa ukuncintisaq ukhetho lukamongameli kumele akhokhe inkulungwane ezingamatshumi amabili zamadollar eMelika – US$20,000.
Labo abafisa ukungena kukhetho lwamalunga edale lephalamende bazakhokha inkulungwane – one thousand United States dollars umuntu munye ngamunye.
UMnu. Prince Dubeko Sibanda, owebandla eliphikisayo eleCCC, utshele idale leHouse of Assembly ukuba iPLC kumele itshele uzulu ukuthi yindaba isekela inhlawulo le.
Kodwa uMnu. Pupurai Togarepi, owebandla leZanu PF, uthi bekuvele kungasoze kusebenze ukuba kuguqulwe inhlawulo le sokubekwe usuku lokhetho nguMongameli Emmerson Mnangagwa.
Idale leConstitutional Court lathi kumele idale phalamende lihlolisise inhlawulo yokhetho oluzayo. EleZimbabwe lizaqhuba ukhetho olukhulu mhlaka 23 Nwabakazi lonyaka.
Forum