WASHINGTON - Abantu emaphandleni bathi bathwele nzima ngenxa yokuwa kwesisindo sedollar leZimbabwe.
Bathi kayisathengeki impahla etshiyeneyo emabhanga.
Uyakhala uNkosikazi Nokuthaba Sibanda, ohlala esigabeni eNyathi, ngesikhathi idollar leMelika lithenga amadollar eZimbabwe azinkulungwane ezilitshumi lantathu – zwl$13,000 emkambo wensitha namuhla.
UNkosikazi Nyathi uthi bayahlupheka okumangalisayo.
Lokhu kusekelwa nguMnu. Jeffrey Tshuma ohlala eJimila eTsholotsho, othi baphila nzima.
Isakhamuzi esihlala eMzilikazi Ward eTsholotsho, uMnu. Alex Mlotshwa, owatshelwa ngumuzi, uthi bayazama ukuziphilisa loba bebhekane lohlupho lokuwa kwesisindo sedollar leZimbabwe lokwakha izindlu.
Kukhangelelwe ukuba idollar leZimbabwe lizakuwa ngamandla ngokuya kwesikhathi ngenxa yokuxokozela ngesikhathi sokhetho oluzaqhutshwa mhlaka 23 Nwabakazi.
Forum