WASHINGTON DC – OwayenguMongameli weMelika uMnu Donald Trump uthi abatshutshisi sebemvulele amacala okuphatha butshapha amaphepha alemfihlo kahulumende.
UTrump wahamba lamaphepha lawa emzini wakhe eFlorida esesuka eWhite House ngemva kokunqotshwa nguMongameli Joe Biden. Uthi uzamiswa emthethwandaba weMiami, eFlorida, ngoLwesibili.
Kumbiko awethule enkundleni yakhe yokuxhumana, eyeTruth Social izolo, uMnu Trump uthe umsulwa. Ngakho, uthi uyahlukuluzwa nje nguhulumende kaMongameli Biden.
Abezindaba abanengi abagoqela abeReuters babika ukuthi uTrump uvulelwe amacala ayisikhombisa, 7.
Forum