WASHINGTON - Ingcwethi kwezokulima, ezibona ngokugugudeka komhlabathi lezikhangelane lokuvuselelwa kwamasimu lokufuya inkomo, zithi kuqakathekile ukuba kulondolozwe umhlabathi ngokusebenzisa indlela ezilula ezinjengohlelo lweIntwasa oluhambelana lalokhu okubizwa ngokuthi yi-regenerative agriculture, eqhutshwa emaphandleni eZimbabwe lakwamanye amazwe.
Lokhu kwethulwe ngoLwesine emhlanganweni oqhutshelwe ebulenjini beInternet, oqoqwe yinhlanganiso yentathelizindaba eyeAssociation of Foreign Press Correspondents kwele Melika ibambisana lePepsiCo.
Abethule lokhu bagoqela uSikhwicamfundo Abbey Wick, oseNorth Dakota State University, uMnu. Jim Andrew, umqondisi wePepsiCo, loMnu. Adam Kiel, umqondisi wenhlanganiso yeSoil and Water Outcomes Fund, labanye.
USikhwicamfundo Wick uthi kuqakathekile ukusekela abalimi ekusebenziseni kahle umhlabathi.
UAndrew uthi abalimi baqakatheke kakhulu kuhlelo lwe-regenerative agriculture.
UMnu. Everson Ndlovu, ingcwethi kwezokulima osebenza eNational University of Science and Technology, uyakusekela lokhu.
UNdlovu uthi abalimi kumele benze konke okulondoloza umhlabathi.
UNkosikazi Sithabile Masina, umlimi wesigabeni seNyamandlovu, uthi bayaluthakazelela uhlelo lolu.
Umlimi wesigabeni seLupane, uMnu. Thembelani Moyo, uthi ukulima lokhu kwenza bethole isivuno esiphezulu.
Obona ngenswelo zikazulu, uNkosikazi Rejoice Moyo, uyakusekela lokhu.
Umhlangano oqhutshwa ebulenjini beIntert kwele Melika ugqitshwa ngoLwesine.