WASHINGTON - UMongameli Emmerson Mnangagwa uthi ukhangelele ukuba eleZimbabwe lidlelane kahle lamazwe entshonalanga kulandela uhambo lwakhe kwele Bhilithane lapho abenxuswe emkhosini wokugcotshwa kweNkosi yaMaNgisi uCharles III.
UMnangagwa wethule amazwi la namuhla eHarare ngesikhathi kungcwatshwa uAbrahama Kabasa eNational Heroes Acre.
Utshele njalo intathelizindaba esanda kuvela kwele Bhilithane ukuba wenze imihlangano embalwa lenkokheli yeCommonwealth. EleZimbabwe lifisa ukubuyela kuhlanganiso le.
UMnu. Joseph Tshuma, okubandla leZanu PF, uthi uMnangagwa uyitshaye ekhaleni.
SEE ALSO:
Siphinde saxoxa ngodaba lolu loNkosazana Ellen Shiriyedenga, okubandla leCitizens Coalition for Change, othi uMnangagwa ukhuluma angakwaziyo.