WASHINGTON - Iqhubekela phambili impi yomvukela kwele Sudan lapho okwehlula ukuba abalwisanayo belandela isinqumo abasithethe ngeSonto esokuthi beme kancane ukuhlaselana kusalungiswa indlela yokukhumisana umlotha.
Inhlanganiso yamazwe omhlaba wonke jikelele eyeUnited Nations ithi kulabantu abedlula kancane ingxenye yesigidi – 580,000 abakhangelelwe ukuba bazabaleka kwele Sudan ngenxa yempi le.
Abezindaba abeReuters babika ukuba kulabantu abendlula inkulungwane ezingamakhulu amathathu – 330,000 ababaleke emizini yabo abahlala egangeni lezihonqweni eze-United Nations kulelolizwe.
Inhlanganiso le ithi kukhangelelwe ukuba abantu abedlula inkulungwane ezilikhulu – 100,000 bazabaleka kwele Sudan kusikhatshana esilandelayo beyephephela kwamanye amazwe.
Kusenzakala konke lokhu, eleZimbabwe libikwa ukuba lizama ukuhlenga abantu abathathu abalokhu bekwele Sudan. Selihlenge abangamatshumi ayisithupha lantathu – 63 asebefikile eZimbabwe.
UMnu. Thabang Nare, ingcwethi kwezombusazwe ezimeleyo, uthi kunzima ukuba kumiswe impi le eqhubekela phambili okwethusayo.