Amasotsha akwele Russia izolo emadabukakusa adubule amabhomba ohlobo lwama cruise missiles alitshumi lanhlanu abejonge ukubhidliza amadolobho akwele Ukraine ambalwa kodwa inengi lamabhomba la alifinyelelanga ilizwe le Ukranie ngoba livinjwe ngezikhali zokuwawisa.
Lokhu kwenzakala ngesikhathi ele Ukranie lisithi liqoqa ukuhlasela amabutho akwele russia athumba izigaba zalelolizwe kumalanga amalutshwana alandelayo.
Amaphepha alemfihlo kahulumende weleMelika awavewzwa ngosakhulayo obesenzela ibutho leMelika atshengisa ukuba eleMelika alithembi ukuthi ele Ukraine lizenelelisa ukulwisa amabutho akwele Ukrane.
Kodwa ingcwethi zithi eleMelika livele lalahleka kudala ngamandla ebutho lele Ukraine ngoba lalisithi ilizwe le Ukraine lizahluthunwa ngele Russia ngemva kwamalanga amathathu nje kuphela kodwa sokwedlule umnyaka impi ilokhe iqhubeka ele Russia selifelwe ngamasotsha adlula inkulungwane ezilikhulu.
Ukuhlaziya loludaba sixoxe lolandela ezombusazwe, uMnu. Tamurai Gwekwerere.
