WASHINGTON DC - EleZimbabwe lithi selizama ukuhlenga izizalwane zakulelilizwe ezibhekane lempi yomvukela kwele sudan.
UMnu. Livit Mugejo, isikhulumeli sohlangothi lukahulumende olubona ngokudlelana lamanye amazwe, uthi sebelungise amabhasi okuthwala abadabuka eZimbabwe abalokhu bekwele sudan, okulempi eyesabekayo.
UMugejo uthi kuladabuka ezimbabwe abalikhulu abangekho engozini abafisa ukuhlengwa.
Uthi eleZimbabwe lixoxisana lele Sudan ngokuhlengwa kwalabo abafisa ukubuyela ekhaya.
Kusanda kuqhamuka impi phakathi kwenkokheli yebutho ebanga ukubusa ilizwe leli.
Kusenjalo, uMnu. Antony Blinken, ophethe uhlangothi lukahulumende wakwele Melika olubona ngokudlelana lamanye amazwe, uthi sebekhulume lebutho leSudanese Armed Forces (SAF) leRapid Support Forces (RSF) ngomisa impi le okwamahola ambalwa ukwenzela ukuba kudingwe indlela zokukhumisana umlotha.
UMnu. Everson Ndlovu, ofundisa izifundo ze-Disaster Management eNational University of Science and Technology, uthi kunzima ukuhlenga abantu abaselizwe okulempi.