Kusenjalo, uhulumende we Melika uthi utshayela ihlombe eleZimbabwe ngelanga lalamuhla elikazibuse lanxa kusobala ukuthi amalungelo oluntu alokhe esephulwa elizweni.
Embikweni owethulwe ngumabhalane kahulumende uMnu. Anthony Blinken lamuhla, eleMelika lithi lizaqhubeka lisekela eleZimbabwe ekuthuthukiseni umnotho, inhlelo zokudla, lobungane njalo lithemba uhulumende uzaguqula umbuso wakhe.
Ngakwelinye icele, inhlanganiso elwela ilungelo loluntu eyeAmnesty International Zimbabwe layo igcizelela ukuthi ilungelo loluntu liyephulwa.
Ibandla leCitizens Coalition for Change lethule umbiko lisola elithi ngumbuso ongakhululekanga, kwathi eleZAPU, lona lathi lisola kakhulu inkohlakalo. Ukuhlaziya loludaba, sixoxe loMnu. Kudakwashe Munsaka, ilunga lebandla leZANU PF.
