Idale le-Constitutional Court selithethe isinqumo sokuthi kumele kuthoniswe ekuqaleni kwenyanga ezayo udaba lwemingcele yokuvota oluphanyekwe libandla le-MDC-T.
Lokhu kwethulwe nguChief Justice Luke Malaba ngoMvulo edale leli eHarare lamagqwetha ebandla leli elikhokhelwa nguMnu. Douglas Mwonzora.
UMalaba uthe kumele amagqwetha kahulumende lamele ibandla leMDC-T aqale ukulungiselela abazakwethula eConstitutional Court ukwenzela ukuba luthoniswe kahle udaba lolu mhlaka 8 kuNkwenkwezi.
UMwonzora uthi uhlelo lokudweba imigcele emitsha yokuvota olweDelimitation, aluqhutshwanga kahle nguMongameli Emmerson Mnangagwa leZimbabwe Electoral Commission. Ngakho-ke uthi kumele kudwetshwe imigcele emitsha.
UMnu. Witness Dube, obona ngokwethulwa kwemibiko kubandla leMDC-T utshele iStudio 7 ukuthi udaba lolu luzahlafunwa ngabahluleli bonke bedale leConstitutional Court.