PLUMTREE - Ukungani kuhle kwezulu lokuhlupha kwamanzi okunatha lawezifuyo esabelweni seMatabeleland kwenze usomabhizinisi ongumlimi omkhulu wePlumtree athengise inkomo ezingamakhulu amabili lamatshumi amahlanu – 250, wabuthanisa imali wathenga umtshina yokugebha imigodi yamanzi.
UMnu. Mkhulunyelwa Tshaya Nkomo, owazakala ngokuthi nguSiratha, uthi ukuhlupha kwamanzi kwamenza wabalomdlandla wokuthi athenge imtshina yokugebha imigodi yamanzi.
"Imota leyi ngayithenga eChina, inkomo engizikhiphileyo ziyi 250 ngisiyathenga imota yonale. So inkomo zahamba sibili angwazi ukuthi izazibisa yini kodwa ke ngibona ingani ngiyaba ngisebenzele abantu ukuthi khona abantu bebelento yokusebenza eduze yikho isifiso sami yiso soneso kuphela. Amanzi awasatholakali emadamu ,amadamu awasagcwali ngendlela so ma ukhangele amanzi esilawo kufanele atholakale phansi. Yonke into nje ekhona emhlabeni iphila ngamanzi."
Umphathintambo kahulumende obona ngezemfundo yaphansi leyaphezulu, uNkosikazi Evelyn Ndlovu, obenxuswe ukuba yisikhulumi esihloniphekileyo kulumbuthano, ubonge uNkomo ngakwenzileyo, amazwi akhe ethulwe ngobemmele kulumbuthano, uNkosikazi Ethel Moyo, owake waba ngusikomitshi ePlumtree.
“Umsebenzi lo oyenziwe lapha ngumsebenzi omkhulu kakhulu oyenziwe ngu Mainline eSomnene. Compliments Government efforts as a water provision to the community, water to the people lani lazigcizelelela lathi lina ukugezisa imiganu, ukugeza imizimba yethu sibe bahle kangaka, ukunatha kambe akula mpilo engela manzi."
Omele iBulilima West edale lephalamende ekubandla leZanu PF, uMnu. Dingumuzi Phuthi, njalo ongumsekeli kamphathintambo wezemibiko yamagagasi eInternet, uthe uhulumende sokumele asebenzise imitshina yokugebha amanzi ebantwini abanjengo Nkomo hatshi ukubisa amakampani eHarare.
"Nxa uhulumende lama NGO besenza imsebenzi yokudingela abantu amanzi aayabuya all the way from Harare bezogebha lapha. AmaNdiya yiwo aselokhu ezogebha kithi lapha amangweni.”
Ukhansila Lendi Ndebele okuWard 18, ujabule okwamagama ngokwenziwe nguNkomo.
"Sikhangelele ukuthi umtshina usize kakhulu, indawo yethu ivele ilamanzi so lapha sibona ingani uwenze umsebenzi omkhulu kakhulu lokuthi uhlangabezana lenhlelo zika hululumende ezifuqa ukuthi kube lamanzi ahlanzekayo ebantwini. Amanzi lapha ahlupha ukwedlula ukuhlupha. Imigodi eyagejwa nguhulumende kungakaze kube yi Independence imthathu kuphela eSomnene esebenzayo kodwa akulamgodi ekahulumende kuzofika khathesi."
Umlisa weSomnene, uMnu. Walter Tshuma, laye ubonga okwenziwe nguNkomo.
"Sithole into engasinceda kakhulu ukuze sihlale kuhle... isigebhele amanzi sithole amanzi ahlanzekileyo. Besigebha amanzi ngabantu bakhatshana befika besi robha bethi into abazihebhayo ziyi 5 feet kubekanti nikisi bathi 4point something bethi 100m abazigebhayo zingafiki besirobha kuphela."
Omunye usomabhizinisi odume kakhulu eMangwe, uMnu. Michael "Nene" Ngwenya, laye uthokoze okwamagama.
"Into ayenzileyo izancedisa isizwe sonke nje jikelelenge rig yakhe leyi. Uyakwazi ukusebenzisana kuhle ubaba uNkomo sengilesikhathi eside lami sisebenzisana nje sitshintshana nje imbono kwezama bhizinisi."
Isakhamizi seTsholotsho engcelezane leBulilima, uMnu. Noah Hlabangana, ubonga intuthuko esigabeni seSomnene.
"Siyathokoza kakhulu ngalokho okwenzakale kubaba uNkomo, ulethe intuthukho esigabeni khonalapha ukuthi lathi sokuzabalula ukuthi sibelamanzi emakhaya. Ayahlupha kakhulu amanzi sibili sake siswele labantu abasigebhelayo kwesinye isikhathi bebize imali ezinengi kakhulu.
Uzulu wonke walindawo ujabule okwamagama ngomtshina wokugebha izibholane njalo abanengi bahle babhalisa ukuthi bagejelwe imigodi yamanzi.