Ibandla leCitizens Coalition for Change elikhokhelwa nguMnu. Nelson Chamisa lithi sebeqalile umsebenzi abahlolisisa amagama alabo abakhethwe nguzulu ukuba bemele ibandla leli kukhetho oluzayo.
Abaphathintambo bebandla leli bathi kulabamela izakhamizi, inhlanganiso ezizimeleyo, izikhwicamfundo, osiyazi labanye abahlolisisa amabizo akhethwe kuhlelo lweConsensus Candidates Selection ngeviki ephelileyo.
UMnu. Swithern Chiroodzwa, obona ngokwethulwa kwemibiko koBulawayo, uthi bakhangelele ukuba bazaqhuba kahle umsebenzi abaphethe uhlelo lwabo olubizwa okwamanje ngokuthi yi-Validation.
UMnu. Rejoice Ngwenya, ingcwethi kwezombusazwe lezenotho ezimeleyo, uthi azaxabana amalunga eCCC uma kungaphathwanga kahle ukudinga abazamela ibandla leli kukhetho oluzayo.