BULAWAYO - Inengi labantu abahlala emadolobheni lithi lonyaka lehlulekile ukwethekelela izihlobo labangane emakhaya ngekhefu lePhasika njenge njwayelo ngenxa yesimo somnotho esingamanga kahle eZimbabwe.
KoBulawayo bananza ikhefu lePhasika besezindlini zokukhonza uNkulunkulu.
Ngesikhathi lesi sekhefu lePhasika kuba yisiphithithi abantu beyibunyonyo ezilindweni zamabhasi besiya kwethekelela izihlobo labangane.
KoBulawayo kuthule endaweni ezinengi.
UMnu. Saxton Ncube, othengisa emigwaqweni obefisa ukuya eLupane ukuyabona imuli, uthi kazake abone kuthule kanje esilindweni samabhasi eRenkini.
“Lokhu kuyasihlolela asazi ukuthi kuhamba njani ukuthi mhlawumbe kukhona okwenzakalayo. Vele akuzange kwenzakale iminyaka yonke le ngeEaster konke kwakugcwala amabhasi lapha. Kunje khathesi ngabe sesitshayisile sesikwazi ukuthi sile mali kodwa kasila cent. Hayi ngu mumo ngoba abantu abala mali njalo le bond lonaleli kalithengi abantu kufunakala amaUSA ama Rand ,ungazuthi uyathi ukuwoda mina ngiwoda ngama rand akulanto engayiwoda nge bond."
UNkosazana Samkelisiwe Ndlovu laye ubefisa ukuya eKezi.
“Mina ngiyathengisa ngile flea market, incane ngoba ma uzoqeda iviki yonke awuthengisi lutho kunjalo ma uthengisa uthengise into ye dollar estandini kyakufuneka uku bhadalwa orent do vele into zakhona azicaco, Ekhaya kulo gogo wamio khulu baphatheka kubi ngoba babesithi um twana uyasabenza uyazama etown but ngama holiday esehluleka ukuthi abuye ekhaya. Haa khathesi komile ngisazama ukuhlanganisa imali ngoba imali ayilkho."
UMnu. Vusumuzi Ncube ubethwele impahla ezinengi esiyabona abantwana eNkayi. Wehluleke ukuyabona umdeni wakhe ngenxa yenhlawulo ekhuphukileyo eyokugada ibhasi.
"Nxa yokuthi ngiswele imali njalo abantwabami ngthe ngyabuya namuhla manje sengehlulekile sengiswele imali. Bengfuna ukuye khaya ksasa kunzima kumnyama ngenxa yokuthi impahla zami kumele zigade ngesaba ibhasi sisukile so ukuthi ngyazigadisa ngani bekumelukuthi ngabe ngitshayi tikiti ngakwanisa ukuthumeza impahla zami khathesi ngehlulekile."
Ukhulu uPeter Chigwadha, oleminyaka engamatshumi ayisikhombisa lanhlanu 75, ubefisa ukuyadlala ikhefu lentombi yakhe kodwa uthi cha kasayibona isalukazi sakhe eManxeleni.
"Ngyahamba njani kungala mali ,akulamali ndoda. Ngihole izolo ngafakelwa imali e fonini i 100 thousand ngisathi ngiyayi tshintsha kubomastshintsheni bathi siyakunika i 55 dollars. Uphile njani baba ngesimo esinjalo ngihlala lapha Entumbane akula magetsi, amanzi ischool fees zabantwana ,asithi ngabazukulu abadliwa ngumkhuhlane ngyakufisa enhlisweni kodwa yisimo asazi baba."
Amabhasi amanengi ahamba engagcwalanga. UDubies Magedleni yibhasi eya eBinga. Ibilabantu abangafiki letshumi phakathi. UMnu. JB Mpofu ngukhondakitha webhasi le.
"Kukhanya ngani iyezandleni zabantu akufanani lemnyakeni, ezandleni kukhanyangani bayayiswela imali ayilkho kangako iquiet sibili akufanani lemnyaka edlulileyo mbona kuyikuthi abala mali. BayeKariyangwe bonke laba abanye basala phakathi ko Pashumanyanda laphana okule ndonga zika Lobhengula khona lapho anyamalela khona."
“IPhasika yalonyaka ibiyehlukile ngenxa yokuthi umkhonomi weZimbabwe wehlile kakhulu abantu abanengi bebengela zimali zokuya kuma Camp, besiyaphandle kumbe enkozweni ezingaphandle kwako Bulawayo ngako le abantu abanengi bebe senzela inkonzo zabo khonapha. Abantu abanengi syakwazi sebephila ngokuthengisa njalo ungahamba emgwaqeni uzobona ukuthi laba abantu abathengisayo babebanengi lange holiday."
Udubo luya phambili ebantwini eZimbabwe loba abantu beqhubekela phambili bekhonzaumdali. Balethemba lokuthi isimo sabo sizaguquka.