BULAWAYO - Kuliviki kuhlelo Woza Friday silomculi wengoma zokholo, uTholakele Ndlovu, ocula ekoBulawayo.
UTholakele uselesikhathi eside ekwezomculo. Yena-ke udabuka esikhalangeni.
"Ngiyintombi ezalwa koMdanyazana eWuwana eBulilima kodwa-ke ngikhulele koma Blana isikolo sami lapha engifunde khona kuse Wuwana. Then ukuhlabela ngiqale ngo2006 kukanti kodwa ke bengingeke ngitsho ukuthi ngiqalele khonapho ngoba bengithanda nje ukuthi ngihlabele lase sikolweni."
UMandlo uke wasebenza labanye abaculi engakazimeli yedwa.
"Ekuqaleni kwami ukuhlabela vele ngiqale le group okuthiwa amakholwa amahle, kulapha engiqalele khona. Lapha ebesilandela khona umculo ohambelana lowe Ncwandeni kodwa ke thina siyi Twelve Apostoli inkonzo sihlabela nje ngilo Bheki Nkala owatshonayo."
UThobekile uthi wathunukwa ngumculi odume kakhulu kungoma zokholo oweSouth Africa.
"Umuntu ongenze ukuthi ngalandela ukuhlabela kakhulu, nguRebecca Malope because ngiyakhangela nginanzelele ukuthi mina ngangivele ngihlabela kodwa ngingazi ukuthi ukuhlabela lokhu kuyinto enganikeza imali or mhlawumbe kube yisifundiso kukhanye lakuma TV. Mina ngikhulele emakhaya phela thina kithi kuduzane lasemlageni so into okuthwa ngo TV vele mina bengingakwazi vele angizange ngabakwazi ngaze ngakubonela eMpandeni Mission lapha engafunda khona."
Ulesiphiwo uMandlo, njalo umculo wakhe uthakazelelwa ngabantu abanengi, phosela ilizwi kubalaleli ungakahambi.
"Okunye engathi ngingakutsho yikuthi ngingumuntu nje ohlabela noma yini abantu nxa ma bayabe befuna ukungithola bayangithola nje ku Facebook kodwa angisomuntu okhutheleyo kakhulu kuFacebook, kuyinto okumele ukuthi ngizikhuthaze ngayo ngikhona ke khonalapho ngingu SisTho Queen G ,Tholakele Ngoma Yabo. Omunye angazibuza ukuthi uNdlovu uvelaphi, uNdlovu yisibongo sami esomtshado esami ngesako Moyo, ye yimi umaNsingizi ngiyalithanda kakhulu ngiyabonga."
Okwamanje uTholakele Ndlovu uthi sengena kwezombusazwe ukuthi alwele amalungelo abaculi labesifazana eZimbabwe.