WASHINGTON - Uhlangothi lwendaba zekhaya kwele South Africa luthi abantu abafaka isicelo sokuhlala lokusebenza kulelolizwe asebephanyeke amaphepha abo kuloluhlangothi bazavunyelwa ukuhlala kwele South Africa kusiyafika ekupheleni kuka Mpalakazi.
Uhlangothi lolu, olwethule umbiko lo ebunjini beInternet namuhla, luthi abazabunyelwa ukuhlala kwele South Africa ngabadinga ama-visa kanye lama waivers.
Umbiko lo kawuqondiswanga kwabadabuka eZimbabwe abalama Exemption Permits abadinga amaphepha amatsha okuhlala kulelolizwe. Abantu laba bafika phose inkulungwane ezilikhulu lamatshumi ayisitshiyangalo mbili – 178,000.
Kumele belungise amaphepha abo kungakafiki umhlaka 30 Nhlangula. Sehlulekile ukukhuluma ngodaba lolu loMnu. Aaron Motsolaedi, ophethe uhlangothi olubona ngokwethekelela kwele South Africa.
UMnu. Bongani Mkhwananzi, isikhulumeli senhlanganiso yeZimbabwe Community in South Africa, uthi kukhanya engani umbiko lo awulani labadabuka eZimbabwe abalamaphephe eZEP.