BULAWAYO.........................Uhlangothi olweZIMSTAT luveze ukuthi isilinganiso sokuwa komnotho welizwe siqonge sisiya kumatshumi ayisitshiyagalo lunye ekhulwini 92,3% sisuka kumatshumi ayisitshiyagalo mbili lasikhombisa ekhulwini 87,6% ngoNhlolanja.
Ucwaningo olwethulwe ngabe Zimbabwe National Statistics Agency (ZIMSTAT) luveza ukuthi umuntu oyedwa emulini ubelakho ukunakekelwa ngamadola azinkulungwane phose ezingamatshumi amathathu -$29,778.08 ngenyanga kaMbimbitho.
lntengo yempahla ehlukeneyo ezitolo layo iya ikhuphuka ngedola leZimbabwe okungahambelani leholo likazulu.
Unkosikazi Philisiwe Mathuthu omunye wezisebenzi zikahulumende uthi bahlangana lobunzima ngoba imali yabo ayeneli konke abakufunayo.
"Imali esiyitholayo ayeneli lutho nxa sesibona kuthiwa kwehlile kuyasidanisa ngoba kithi akukho lokhu nxa sikhangele imuli zethu lokuthi seneliswa ngokunganani kuyasisinda ngoba asazi ukuthi vele siphila njani inyanga yonke .Alubana bayabhoda bakhangele andubana babhale izinto ezingayisizo ezikuground.Lamarates akhona yiwo amanye enza ukuthi izinto zikhwele ngoba umuntu lomuntu ulerate yakhe.
Umnunzana Effort Ncube umqondisi weNational Consumer Rights Association uthi okubhalwe phansi akuhambisani lokubonwa ngabantu ezitolo.
“Konke lokhu okukhulunywayo ukuthi intengo yezinto iyehla kubonwa yilabo ababhalayo kodwa izakhamuzi labathengi akukho lakancane okwehlayo impilo ibanzima ngosuku ngosuku abasenelisi ukuthenga ukudla ukubhadala ischool fees lokwenza konke lokhuyana ade bekwenza izolo lokhu.Lezo zinto ezibhalwayo azihambisani lalokhu abantu abahlangana lakho phansi,balungise khonalokhu.”
Umnunzana Stevenson Dlamini ingcwethi kwezomnotho lamabhizimusi njalo efundisa ngezomnotho ekolitshini leNational University of Science and Technology (NUST) uthi intengo yempahla ezitolo iqhubeka isehla nge dollar lemelika.
“Inflation rate kuthiwe yehlile lokhu kutsho ukubana isiqubu sokukhwela kwentengo yempahla yehlile,njalo sinanzelele ukubana sikhuluma ngalokhu okuthiwa yi blended inflation yintengo yempahla ngeUS dollar. Esikunanzelela yikubana nxa siqhathanisa lakumnyaka ophelileyo isiqhubu sokukhwela kwamaprices ngathi sehlile lokhu kungabe ku Angela yikwehla kwesiqhubu sokukhwela kwentengo ikakhulu ngemali yamaUS dollar,okukhwela kakhulu ngesentengo yemali yakithi.”
Unkosikazi Sanele Maphosa isakhamuzi sakoBulawayo uthi umumo okhona elizweni unzima akuhambelani lokukhona ezitolo.
“Singakhangela ukuthi isimo sinjani elizweni kuyadanisa ngoba laloba besithi iyehlile inflation asikuboni thina abanye izinto lokhe zinzima. Khathesi Singakhangela ukuthi akula rate eqondileyo every shop ilerate yiyo,okutsho ukuthi nxa kungaba lerate eyodwa maybe kungabangcono kulalokhu esikubonayo phandle lapha.”
Ugatsha lweZIMSTAT luveze njalo ukuba ukugugudeka komnotho lokhu kwengezelelwe yikuqonga kwendleko zezikolo, ezempilakahle kanye lezinye ezinjengemithelo kakhansili lezokuhambisa.
Umqondisi weZIMSTA umnuzana Taguma Mahonde wazise njalo ukuthi eleZimbabwe selibala ukuwa kwesisindo somnotho wakuleli besebenzisa idola leZimbabwe kanye leleMelika.
