WASHINGTON DC - Kulabaphathintambo bakahulumende kanye labamele indawo ezitshiyeneyo edale lephalamende abakhe phansi kukhetho lwama primaries oluqutshwe ngempelaviki.
Abanye abanqotshwe kukhetho lolu ngumphathintambo wesabelo seMatabeleland South uMnu. Abednico Ncube, umsekeli wobona ngokwethulw kwemibiko uMnu. Kindness Paradza, obona ngezokuthengiselana uNkosikazi Sekai Nzenza labanye.
UMnu. Nick Mangwana, umabhalane wohlangothi lukahulumende olubona ngokwethulwa kwemibiko, uthi abanye njalo ababalahle phansi nguMnu. Kindness Paradza, umsekeli wophethe uhlangothi lwezemibiko, uMnu. John Muswere, obona ngezemitshina yakulez’insuku, labanye.
UMnu. Joseph Chinotimba, odume ngokungena emapulazini abamhlophe okungekho emthethweni, laye unqotshwe eBuhera South.
Abanqobe kukhetho lolu bagoqela uNkosazana Stars Thebe Mathe, uNkosikazi Sithembiso Nyoni labanye.
Impumela yonke yokhetho lolu ikhangelelwe ukuba izakwethulwa ngoMvulo.
EleZimbabwe lilungiselela ukhetho olukhulu oluzakwengiwa lonyaka.