BULAWAYO - Kufungelwana ijoyi kuthethiswana kubalandeli bebandla leZanu PF okulabanye abakhala ngokuqilibizelana kukhetho lwama primary okudinwa abazamela lelibandla kukhetho olukhulu oluzakwenziwa lonyaka.
UMnu Abenicho Ncube, ohlezi emele ibandla leli eGwanda okwesikhathi eside, unqotshwe ngumsakazi oludumo uOmphile Marupi, kuthi njalo uDokotela Qhubani Moyo, owake wasebenzela ikhomishini yokhetho Zimbabwe Electoral Commission ubhuqwe eNsiza North.
Umculi olodumo uSandra Ndebele unqobile ePelandaba.
Uzamela iZanu PF kukhetho lwamakhansila. KoBulawayo abalandeli abanengi balelibandla bakhala ngokuthi balisiwe ukuvota ngoba amabizo abo engekho kungwalo zalelibandla ama-cell.
UMnu. Ndumiso Dube uthi kusebenze imali ukuthi kunqobe abafunwa zinkokheli.
"Imali sibulele. Abantu abasebenzisa izimali siyabazi, siyabazi asiba doubt and sile proof yakho. We have got that proof ukuthi ubani usebenzisa imali, siyakutshela ukuthi ngelanga elinje wawunika igrocery ngale. Kanti vele igrocery le ngeyokwenzani, why do you buy people you dont trust yourself that's why you buy people sikukhangele khonokho kuyenzakala. Sicela ama leaders ake aresponde to this."
Isikhulumeli sebandla leZanu PF koBulawayo, uMnu. Archie Chaponda, uthi ukhetho luhambe kuhle.
UMnu. Mzimgaye Ndlovu usola kunye loMongameli Emmerson Mnangagwa.
"Top kuhulumeni ku-president kusiya lapho okuhamba khona kusehla kusiya phansi. IFAZ ibulele iparty ko Bulawayo ngiyaphinda futhi njalo and angesabi iFaz ibulele abantu koBulawayo especially abantwana bonabo abancane abafakwayo ukuthi ngabe party abayenzanga umsebenzi wabo oqondileyo .'."
Ingwethu kwezomuhlaziya ezombusazwe, uMnu Effie Dlela Ncube, uthi akumangalisa ukuqilana olwenziwa libandla leZanu PF.
"Akumangalisi ukuthi abe Zanu Pf sebehlangana lakhonalokhu abantu abahlala bekhala ngakho abanye ukuthi iqembu kaliphathi kahle ukhetho lwelizwe kaliphi abanye amathuba,aliphi abanye imvumo yokuthi bakhankase bengavinjelwanga labo abayi opposition ngakho ke namhlanje njena laba abakhalayo abaku Zanu PF abathi bona ukhetho olunqotshwe ngabanye kuprimary le alihambanga kahle yikho lokhu abantu abahlala bekhala ngakho yikho iopposition ehlala ikhala ngakho, akulungiswe ke khonalokhu kungabikhona owina ngokudlelezela. Uma kungenzeka phakathi kwe Zanu Pf kuyekelwe kuzakwenzakala njalo ekhethweni lwelizwe lolu olulandelayo."
Impumela yokhetho lwama primaries ikhangelelwa ukukhutshwa ngoMvulo njalo inengi labanqotshiweyo sebebhalele inkokheli zalelibandla besithi ukhetho kumele luphindwe ngoba baqiliwe.