WASHNGTON - Amabandla atshiyeneyo aphakathi kokudinga abazawamela kukhetho olukhulu oluzayo.
EleCitizens Coalition for Change lithi uzulu uzazikhethela abafisa ukuba bebamele kukhetho lolu. Abakhethayo bagoqela induna, osobhuku, abalisa, omongi, ababalisi, otsheketsha, abasebenza ezindlini labo bonke abantu eZimbabwe.
Ibandla elibusayo lona lithi selilungiselela ukhetho oluzakwenziwa ngempelaviki elokudinga abazalimela kukhetho lwamakhansila lolwamalunga edale lephalamende.
UMongameli Emmerson Mnangagwa uzamela ibandla elibusayo kukhetho lukamongameli. EleCCC kusobala ukuba lizamelwa nguMnu. Nelson Chamisa loba kulabanye abathi kakakhethwa nguzulu ukuba ancintise kukhetho oluzayo.
Amabandla atshiyeneyo aqhuba ukhetho lwama primaries ngendlela athi kwenziwa nguzulu. UMnu. Ostallos Siziba, umsekeli wesikhulumeli sebandla leCCC, uthi bafisa ukwenza ukhetho lwama primaries olukhululekileyo lapho uzulu azakhetha abazamela umuntu wonke.
Kodwa uMnu. Nhlanhla Moses Ncube, okunhlanganiso yeFreedom Alliance, uthi kulezigilamkhuba ezingaphazamisa ukhetho lolu ezikubandla leCCC.