Ibhanga elikhulu lelizwe eleReserve Bank of Zimbabwe (RBZ) selivule uphenyo phezu kwenotho yesikhonzi sikaMongameli Emmerson Mnangagwa eEurope lasemazweni asemhlubulweni weAmericas, uMnu Eubert Angel, kulandela ukuphuma kwakhe kufilimu yomsakazo weAl-Jazeera ekhuluma ngokuphatheka kwakhe kumisebenzi yenkohlakalo.
Ugatsha lweInsurance and Pensions Commission lulobele amankampani ama-insurance lawama-brokers incwadi ewalaya ukuthi kumele aluphe yonke imininingwane yenotho kaAngel leyomunye ophatheke kwezokuthenga lokuthengisa igolide uMnu Ewan MacMillan ngoba leyo mininingwane idingwa ngokuphuthuma lugatsha lweRBZ olubona ngokulwisana lenkohlakalo kwezemali olweFinancial Intelligence Unit.
Lokhu kwenzakala ngesikhathi umsakazo weal-Jazeera ukhangelelwe ukusakaza namuhla ntambama ifilimu yawo ethi ichaya sobana inkohlakalo enziwa yiziphathamandla zikahulumende weZimbabwe ekutshaphazweni kwenotho yelizwe efana legolide.
Lifiluimu yayimele isakzwe kumaviki amathathu edluleyo kodwa yasimiswa kancane ngezizatho ezingazakaliyo.
Sixoxe lolwela amalungelo oluntu uMnu Mbuso Fuzwayo ukuthi iziphathamandla zikahulumende ezizathinteka kulifilimu ziakho ukuxotshwa umsebenzi na.
