Uhulumende uthi sokubhubhe abantu abane bebulawa yisihudo esibangelwa ngumkhuhlane wecholera phakathi kwamahola angamatshumi amabili lane-24 edluleyo.
Abezempilakahle bathi kutshone oyedwa eBikita esigabeni saseMasvingo kwathi abathathu abaseMozambique batshona eMbire esigabeni saseMashonaland Central izolo.
Inani labatholakale belawo lumkhuhlane selokhe waqhamukayo elizweni selifike kukhulu elilamatshumi ayisikhombisa lantathu 173.
Ugatsha lwezempilakahle lukhuthaza abantu ukuthi bazinakekele kundlela abaziphatha ngayo okunjengokugeza izandla ngamanzi ageleza evela empompini ngesikhathi sonke.
Ugatsha lolu luthi phakathi kwabafika phose amakhulu amabili; 173, abacatshangelwa ukuba balalomkhuhlane lo, sokulesiqiniseko sokuthi abangamatshumi amabili lanye (21) balawo. Abedlula ikhulu lamatshumi amahlanu (157) sebesinde kuwo ekutshoneni kwelanga izolo njalo ubhahe kakhulu eBuhera, Chegutu, Chikomba, Chimanimani, Chipinge, Chitungwiza, Chiredzi, Harare, Gokwe. North, Marondera, Mazowe, Shamva, Mutare, Murehwa, Mwenezi, Seke leWedza.
