WASHINGTON - Amabandla atshiyeneyo asekhetha abazawamela kukhetho oluzakwenziwa olonyaka olokudinga amakhansila, amalunga edale lephalamende lomongameli.
Amabandla wonke athi uzulu nguye okhetho abazancintisa kukhetho lolu.
UMnu. Chris Mutsvangwa, isikhulumeli sebandla leZanu PF, uthi uzulu nguye okhetho abazancintisa kukhetho oluzayo. Uthi bonke abazancintisa bazakhethwa ngamalunga ebandla elibusayo. Kodwa bakhona abathi ukhetho lwama lwama primaries aluqhutshwa ngemfanelo. Omunye wabasola okwenzakalayo nguMnu. Believe Gaule, okubandla leli.
UGaule uthi kwesinye isikhathi abantu kabavoteli abantu ababafunayo.
Idale lePolitburo likhangelelwe ukuba lizahlolisisa amabizo abazancintisa kukhetho lolu kungakabiselwa kuzulu ozakhetha abazamela ibandla leZanu PF kukhetho oluzayo. Amanye amabandla lawo asedinga abazawamela kukhetho lolu. UMnu. Msongelwa Ndlovu, isikhulumeli sebandla leZapu, uthi inkokheli yebandla leli kayingeneli ekuthethweni kwabazancintisa kukhetho oluzayo.
UMnu. Nelson Chamisa, mkhokheli webandla leCCC, uthi sebezaqala ukudinga abantu abazabamela ezigabeni ezitshiyeneyo. UNkosikazi Ellen Shiriyedenga, obona ngezokhetho kubandla leCCC, uthi abantu bazazikhethela abafisa ukuba bebamele kukhetho oluzayo.
Olwela ilungelo loluntu, uMnu. Effort Ncube, uthi abantu abakhululekanga ekukhetheni abantu abafisa bebemele kukhetho oluzayo.
Uphuinde wathi kunzima njalo ukuba abantu befake umbono wabo ngokwenzakala kumabandla wonke.
UMongameli Emmerson Mnangagwa ukhangelelwe ukuba kumaviki azayo uzakwethula insuku zokuqhuba ukhetho olukhulu oluzayo.