Amabandla azancintisa kukhetho olukhulu oluzaqhutshwa eZimbabwe lonyaka aselungiselela ukukhetha abazawamela.
UMnu. Christopher Mutsvangwa, isikhulumeli sebandla leZanu PF, uthi idale lePolitburo lizakwenza umhlangano kusasa lapho elizahlolisisa amagama abantu abafisa ukumela ibandla leli.
ibandla leCitizens Coalition for Change, elikhokhelwa nguMnu. Nelson Chamisa, lithi lizadinga abazalimela emphakathini.
UMnu. Ostallos Siziba, umsekeli wesikhulumeli sebandla leli, uthi lomkhankaso wabo uqhubekela phambili.
UMnu. Swithern Chiroodza, okubandla leCCC ophethe isikhundla sokwethulwa kwemibiko koBulawayo, uthi badinga usekelo lukazulu nsukuzonke.
UMnu. Believe Gaule, oncintisa kukhetho lwama by-elections, uthi kuqhubeka kahle kubandla lakhe.
UGaule uthi ibandla lakhe lidinga abantu abakhutheleyo kwezombusazwe.
UMnu. Witness Dube, obona ngokwethulwa kwemibiko kubandla leMDC-T, uthi sebeqalile labo ukudinga abazabamela kukhetho oluzayo.
EleZimbabwe likhangelelwe ukuba lizaqhuba ukhetho olukhulu ngoNtulikazi kumbe ngoNcwabakazi lonyaka.