Uqhubekela phambili umhlangano womanyano wamazwe womhlaba owe-United Nations Commission on the Status of Women (CSW67), oqale ngoMvulo eNew York kwele Melika.
Lumhlangano ungenwa ngabesifazane kanye labesilisa abalesifiso sokuthuthukisa ukulinganiswa kwamathuba ngobulili. Abanye abakulumhlangano bathi lanxa isimo sesingcono, balokhe behlangana lobandlululo emisebenzini, kumabhizimisi kwezombusazwe, kwezokulima lakwezinye inhlangothi zempilo.
UNkosikazi Sibusisiwe Bhuda Masara, omele isabelo seMatabeleland North edale lephalamende ekubandla leMovement for Democratic Change, uthi kuqakathekile ukuba omama basekelane, hatshi ukusetshenziswa ngabesilisa.
“Abantu abesifazane akula kuthi kumbe ungumuntu omnyama, kumbe ulikhiwa, siyafanana. Into lezi zivelela khatshana. Inkokheli zabomama kufuze sibazwele ngoba labo umumo lowu bayawuqalisa owe-leadership. Umuntu ongumama okwenza kakhulu engani siyasetshenziswa ngubantu abangobaba, yikuthi thina ngokwethu asilalutho.”