WASHINGTON DC – Amapholisa athi abophe owesilisa otshaye uyisekazi wambulala ngoMgqibelo emethesa icala lokuloya.
Umsolwa nguBrighton Zingani oleminyaka yokuzalwa engamatshumi amabili lasitshiyangalombili, 28, ohlala esigabeni seMusharu, eMutare.
“Utshaye uyisekazi uJesca Zingani, 83, emzimbeni wonke ngogodo ngemva kokumethesa umlandu wokuloya. Umatshaywa uphele esendleleni yokuya esibhedlela,” kutsho isikhulumeli samapholisa uMnu Paul Nyathi.
Izehlakalo ezinje sezivamile kakhulu eZimbabwe.
Ukuhlaziya loludaba sixoxe losiyazi njalo eyingcwethi kwezamasiko uMnu Mhabinyana Ngwenya yena othi lanxa ukuloya kukhona, abantu akumelanga babulalane ngenxa yabo.
