Kubotshwe omunye wababhaxabula amalunga ebandla le CCC eMurewa ngeMpelasonto oleminyaka engu 67, kodwa inengi lithi hatshi bo ayisuye ngoba abafanekiswe betshaya abantu ngabasakhulayo.
Umsolwa, uNever Chimutashu, sekhangelelwe ukumiswa emthethwandaba yiloba nini.
Isikhulumeli samapholisa uMnu Paul Nyathi wazise ngokubotshwa kukaChimutashu izolo, wathi njalo amapholisa asadinga abanye abasolwa ababonakala ku-video egcwele enkundleni zokuxhumana, bebhaxabula okhulu labogogo abangamalunga Eccc.
Emfanekisweni lo kuzwakala owesifazane osakhulayo esithi kungani benze umhlangano webandla labo.
Lanxa iZanu PF ilandula ukuthi abanze loludlakela ngamalunga alo, ibandla leCCC lithi udlakela lolu luveza sobala ukuthi abebandla elibusayo sebeqalisile ukutshaya lokuhlukuluza uzulu phambilini kokhetho lwalonyaka.
UNtungamili Nkomo weStudio Seven uxoxe lokhansila wedolobho lakoBulawayo uMnu Edwin Ndlovu ongewabandla leCCC.
