Ngempelasonto edlulileyo bekungabizwa ozwayo kubahlali be-Mangwe District e-Plumtree, lapho obekulomkhosi omkhulu obuqoqwe ngusomabhizimusi odabuka kulindawo, ohlala kweleSouth Africa, uMnu. Lovemore Moyo, odume ngokuthi ngu-Lovers.
ULovers wakhele abantu idamu lokulima ngokuthelezela ele-Irrigation, wadonsisa amanzi, wagebhisa idibha lenkomo, wafakisela abantu balumango amandla kagetsi ngenjongo yokuthuthukisa idawo adabuka kiyo.
Abantu abafika inkulungwane ezimbili 2000 badle bancida iminwe, izisu zababomvu ngokusutha, kuyimisebenzi ka-Lovers, obenzele umkhosi wokuzonikeza abakhele khona. UMoyo uchaza ngakwenzele izakhamizi ze-Mambale
"I did a system for uku-filler-up i-dam: I donated irrigation system for the community about 10 villages, 7 families around me they benefited water and 14 families around me. I also did ilokhuzeni i-lighting system; I installed ama-tower lights for them. Ngithi kubo they must focus bayekele indaba yama-drugs; intshengu kulento okuthwa yintshengu abayiphuzayo la. Bayekele ukuphuza izinto ezibaphambanisa imqondo bayeskolweni bafundele izinto ezizabaphilisa lezizabaphucukisa empilweni ezizabayenza babe ngabantu."
Uyise ka-Lovers uMnu. Milton Ginger Moyo uziqhenya ngengane yakhe ngokukhumbula lapho edabuka khona.
"Ekhaya yikho kule kusasa muntu wonke ungubaba. Yikho efike lana wayenza ezibukwayo wathengi nkomo wayenza ama-irrigation ngale edamu; enzelabantu bakibo nkonalapho koNtali eMambale. Kuyinto enhle; kujabulise i-sizwe sakoGululu."
Abantu babuye ngobunengi bevela endaweni ezitshiyeneyo. Umlimgisi odume kakhulu kwele South Africa kumifanekiso kamabonakude, i-TV lamabhayisikopo, ongumngane kaLovers, uHamilton Dlamini laye ubekhona kulumkhosi.
"Le-vision that's why I'm here to support him ungitshelile ukuthi ukwenzela abantu bakhe, abantu bakubo, umphakathi, ukwenzela inkomo ziyadibha; zidibha everywhere fana lakuqala bezidibha mhlawumbe after 3 months and all that. Uku-simplifier impilo yabantu and all that. Ehh, i-irrigation system, kune-vegetable farming; kukhona okunengi okwenzakayo. I think he’s a role model in a current idealogy yokuthi; let's make everything work. Asi-empower abantu bakithi you know, ukuthi an empty stomach is dangerous so I'm here to support."
Kukanti ummeli weMangwe edale lephalamende uNkosikazi Hlalani Mguni ubonga ngokwenziwe nguMoyo esenzela abantu.
"Umphakathi ujabulile ehh bajubulele amanzi, njalo bajabulele intuthuko abayibone kuye. Siyabona wakhile umuzi wakhe omuhle, okuyi inspiration njalo okuyiku gqugquzela abantu ukubona into enje. Bazizwa begqugquzekile ukuthi endaweni yakithi e-Mangwe, e-Plumtree kube lomuzi omunje oyenza ukuthi sibone ukuthi sonke singakwenza ma sile-spirit esifanayo."
Induna yalesi sigaba u-Chief Bango ukhuthaza abanye abavela kulumango besebenzela ngaphandle kwelizwe ukuthi kabakhe ekhaya njengo Lovers.
Omunye obekulumkhosi esuka koBulawayo nguNkosazana Sofie Maphosa.
"Balenhlanhla abantu bakuli ndawo ngokuthola umuntu onjengo Lovers; ngithi ngaye konke lokhu okwenzakala lapha kuyasabalala kuye khatshana. Singakhangeleli inkokheli khonale phezulu silokhe sisola ukuthi lapha lalapha kodwa nxa kuyikuthi abafowethu labantwabethu khonakhonale abaphetsheya bengeza lalumqondo oka Lovers, babone lokhu akwenzileyo ukuthuthukisa isigaba labo babophe khona lapha bayenze njengaye.”
Abahlali be-Mambale abakukhulumi sebeledolobho ekhaya, amanzi lo getsi lokulima ngokuthelezela sebeziphilela.