Kulabantu abanengi abachothoza okwenziwe ngabaphathintambo bakahulumende kanye lamalunga edale lephalamende abavume ukuthatha izikwelede zemali enengi kuhulumende yokwakha izindlu.
Abaphathintambo bakahulumende banikwe ingxenye yezigidi zama dola eMelika – US$500,000 munye ngamunye kwathi abasekeli babo bathole iUS$350,000.
Abamele izigaba ezitshiyeneyo kudale lephalamende bavumelane lohulumende ukuba bethole inkulungwane ezingamatshumi amane zamadola eMelika – US$40,000 umuntu munye ngamunye.
Banengi abantu abakusolayo lokhu njalo labathakazelela okwenziwe nguhulumende.
UMnu. Witness Dube, obona ngokwethulwa kwemibiko kubandla leMDC-T, uthi kulungile okwenziwe nguhulumende kodwa uMnu. Rejoice Ngcwenya, ingcwethi kwezombusazwe ezimeleyo, uyakusola kakhulu.
Kusenjalo, uMnu. Davies Ndumiso Sibanda, ingcwethi kwezemithetho yezisebenzi, uthi abathethe imali kahulumende abakudale lephalamende leziphathamandla zikahulumende balelungelo lokuthola abakukhankaselayo.
Kodwa uSibanda uthi akuqondanga ukuba abantu laba bengikwe imali le ngesikhathi kulungiselelwa ukhetho oluzakwenziwa ngomnyaka ozayo.