Kugcwala abantu kulez'insuku emawofisini ogatsha lukahulumende olwendaba zasekhaya olunika uzulu amaphepha okuzalwa, amapasipoti lokunye kulandela ukwehluleka kohlangothi lolu ukudinda amaphepha aqakathekileyo.
Abantu abanengi batshona emawofisini la koBulawayo bedinga incwadi zokuzalwa. Kubikwa ukuba imitshina yokudinga amabirth certificates kayisebenzi ngemfanelo. Amaphepha okuzalwa asetshenziswa ekutholeni amapasipoti lokunye.
Abaxoxe lomsakazo weStudio 7 beko msitheli bathe kunengi okubahluphayo, okwenza ukuthi betshone emawofisini la. Omunye wabo nguNkosokazi Nomalanga Ndiweni, ohlala ePumula South.
“Ngiyehluleka ukuthola incwadi yokuzalwa koMsitheli ukuze ngenelise ukuthi ngithole incwadi yokuhambisa emazweni nanko engilayo ngayiphiwa nguye uhulumende babhala ngesandla ayidindwanga ngomtshina manje sebesithi abayifuni bafuna edindwe ngomtshina ukuze ngenelise ukuthola ipassport.”
UNkosikazi Ndiweni uphinde wathi lokhu sokumbisele emuva kakhulu ngoba kunengi afisa ukukwenza empilweni.
“Sengibuyele emuva entweni ezinengi empiilweni yami bekumele ngihambe nanko bathi inetwork idown ukuze bangiphe ibirth certificate ngenelise ukuthola ipassport. Sithwelenzima sibanengi njengoba usibona sicela ukuba uhulumende angenele ngoba akusaphileki.”
UNkosazana Simangele Sibanda laye ubhekane lenkinga yokuthola amaphepha aqakathekileyo ewofisini le.
“Ngilodubo lokuthola ibirth crrtificate edindwe ngomtshina ngoba inetwork bathi ayikho ukuze balungise kuhle ibirth certifiate yami uma befaka inombolo zesithupha kuyaphuma kahle kodwa bengafaka inombolo zebirth certificate yami kuphuma ibizo lomunye umuntu angazi ukuthi kuzalunga nini.”
UMnu. Dumisani Nkomo, ophakathi kokuloba umdlalo wokuthunjwa kwabantu besiyakwenziswa imisebenzi enxele kwamanye amazwe, uthi okwenziwa nguhulumende kwephula amalungelo oluntu.
“Ukuphila kubanzima uma uhulumende esesehluleka ukutholisa abantu incwadi zokuzalwa eziqakathekileyo lezithupha kanye lama passports kutsho ukuba ilungelo loluntu liyephulwa mahlayana nguhulumende.”
UNkosikazi Judith Ncube, umphathintambo wedolobho lakoBulawayo, uthi sebephanyeke isikhalazo sikazulu emawofisini amakhulu elizwe.
Umphathintambo wogatsha lwemisebenzi yekhaya, uMnu. Kazembe Kazembe, uthi uhlangothi lolu luphakathi kokulungisisa udubo lokudindwa kwamaphepha okuzalwa.