UMnangagwa Uzakhokhela Umkhankaso Wokugqugquzela Ukwesulwa Kwezijeziso Zenotho Namuhla

Mfumfu 25, 2022

Ntungamili Nkomo

Zimbabwe President Emmerson Mnangagwa addressing thousands of members of the country’s ruling ZANU-PF party in Epworth about 40 minutes south east of Harare on February 12, 2022. (Columbus Mavhunga/VOA)

WASHINGTON DC - UMongameli Emmerson Mnangagwa namuhla ukhangelelwe ukukhokhela umkhankaso wokugqugquzela ukwesulwa kwezijeziso zenotho ezetheswa amalunga eZanu PF nguhulumende weMelika.

Umanyano weSadc yiwo owahlela ukuthi lumkhankaso uqhutshwe minyaka yonke mhlaka 25 kulinyanga.

Inkokheli zamazwe akuSadc lazo zikhangelelwe ukwethula imbiko zikhuthaza eleMelika ukuthi lesule izijeziso lezi ngoba zilimaza uzulu makhaza.

EleMelika lethesa abeZanu PF, abagoqela yena uMnangagwa izijeziso lezi libethesa icala lokwephula amalungelo kazulu lokuqilibezela kukhetho.

Uhulumende uthi ababalisi kanye labantwana besikolo labo kumele baphatheke kumkhankaso wanamuhla, okuyinto esolwe yisikhulumeli senhlanganiso yababalisi, i-ARTUZ, uMnu Thembakuye Moyo.

Embed

Ingxoxo loMnu Thembakuye Moyo

by VOA

No media source currently available

0:00 0:03:01 0:00

Ukhansila webandla leCCC koBulawayo uMnu Edwin Ndlovu yena utshele iStudio 7 ukuthi uhulumende weZanu PF kumele atshiyane lokwephula amalungelo kazulu nxa efuna izijeziso zesulwe.

Embed

Ingxoxo loMnu Edwin Ndlovu

by VOA

No media source currently available

0:00 0:03:04 0:00

Kodwa ilunga leZanu PF Central Committee, uMnu Joseph Tshuma, uthi izijeziso lezi kumele zesulwe ngokuphangisa ngoba zithwalise uzulu makhaza gadalala.

Embed

Ingxoxo loMnu Joseph Tshuma

by VOA

No media source currently available

0:00 0:02:25 0:00