Matobo...............
lzizalwane zeZimbabwe ezinengi zikhala ngokuthi zibhekane lodubo lwendlala emaphandleni lemadolobheni kuthi lezifuyo lazo seziqalile ukucuba ngokuswela amadlelo abanengi sebehlala insuku ezimbalwa bengela okuya ethunjini.
Lokhu kulandela ukungananga kuhle kwezulu ngomnyaka wokulima odluleyo.
lzakhamizi zeMatobo ezansi yeMaNdebeleni ngezinye zezakhamizi zemaphandleni ezikhala ezimathonsi ngoba inengi lemizi selilakho ukuhlala amalanga athile bengenelisi ukuthola okuya ngaphansi kwamakhala.
Ukhansila kaWard 13 eKezi esiqintini seMaqina uMnu Vincent Ndlovu uthi babhekane lendlala enkulu.
“Lapha indlala inkulu besisizwa yiSave the Children Zimbabwe layo isirhule sekulobunzima obukhulu lohulumende laye kakatholisi abantu ukudla.”
Isakhamuzi seMaqina Village uMnu Freedom Moyo uthi isomiso siyabusa emakhaya amanengi. Indlala ebantwini ikhona iSave the Children Zimbabwe yayisinceda ngemali lenkukhu kodwa ezinye zakhona sezafa sicela uncedo kwabasizayo indlala isibhahile.”
UNkosikazi Sikhangele Mlalazi indlala ihlasele loba beledamu eMaqina
“Kunje komile esigabeni sikhangelele ukubalenhlelo ezingaqeda indlala okwamanje silezihlahla zezithelo edamu kodwa akula okhokhela loluhlelo.”
Esinye isakhamuzi seKezi uMnu Earnest Hlongwane uthi indlala iyahlaba emakhaya.
“Indlala iyahlaba mama isisilimazile ye angazi singancediswa njani ukudla yikho esingelakho khonapha egumeni.”
UMnu Dumisani Masuku isakhamuzi seMaphisa uthi ukudla kuyadula ezitolo akuthengeki.
“Indlala inkulu ungaze ubelemali uye ezitolo izinto ziyadula okwamanje sidinga uncedo ukuthi ngoba abantu balambile.”
Esinye isakhamuzi seMatobo uMnu Gibson Zulu uchaze ukuba inengi seliphila ngamanzi.
“Umangoye uselala eziko kumizi eminengi ubona kunje abanye sebephila ngamanzi okwensuku njalo komile lapha akula ngitsho loyedwa owavunayo.”
Umphathintambo wentuthuko yezabelo iPublic Service Labode and Social Welfare uMnu July Moyo uthi isomiso sikhona ezweni njalo uhulumende uzanceda iziqinti ezingamatshumi amahlanu lambili kuthi inhlnganiso eziimeleyo zizanceda iziqinti ezitisificaminwe mibili.
“Silohlelo esaluqhubayo lokuhlola indawo ezilesomiso ezweni njalo okwamanje sizathenga ukudla kuzigaba ezavunayo sisiyakupha ababhekane lendlala sisebenzelana lenhlanganiso ezizimeleyo.”
Emizeni yokumelana lendlala uhulumende ubeke imali angamabhiliyoni ayisificamunwemunye yamadola akuleleli ekutholoseni iziqinti ezwdlula amatshumi amahlanu-52 uncedo lokudla phakathi kweziqinti eziphose zibezinkulungwane ezimbili -1958 kulandela ucwaningo lokusiza uzulu ukudla olwenziwa nguhulumende lenhlanganiso ezizimeleyo.
Lonyaka uhulumende ubike ukuba uzabhadalela indleko yokuthenga ukudla ezigabeni ezaba lesivuno esihle ukuze atholise okungela nhlawulo abazakwabelwa ukudla abaseziqintini ezihlaselwe yindlala.