Sokuloku xokozela kubandla leZapu ekhokhelwa nguMnu. Sibangilizwe Nkomo, umtaka muyi uJoshua Mqabuko Nkomo. Abaphikisa ubukhokheli bakhe bathi wangena esihlalweni ngobungundengunde ngakho kumele asuke esikhundleni ngoba kalaleli muntu njalo nguntando kayiphikiswa.
Ngempelasonto amalunga alelibandla azama ukudiliza umhlangano kaNkomo lenkokheli zakhe owenzelwa ehofisini yeZapu koBulawayo kwaze kwabizwa amapholisa ukuzoxazulula ukudlephana kwabo.
Amanye amalunga eZapu athi uNkomo wayengasilo lunga lenhlanganiso le kodwa wadla abamkhethayo ngengqondo esebenzisa igama lika yise umuyi uJoshua Nkomo owasungula ibandla leZapu. Omunye wabo ngu Mnu Mathew Bhubesi yena ekuZapu National Executive.
"USibangilizwe asimfuni ephathini ngoba vele ungene okungekho emthethweni engala card enga qualify ubefojile izinto zakhe . Into esuka ingimangalise ngo Sibangilizwe seyi opposition President owe ZAPU kodwa ulokhe elindwa ngamasotsha lamapholisa endlini yakhe yena phela kazange abe ngu President welizwe. Owayengu President welizwe nguyise. So khathesi yena bamlindeleni endlini yakhe elindwa ngamapholisa eState yena eyi opposition okuthiwa ipoza ohulumende. So mina nga le indlela kuyangi doubtisa ukuthi uSibangilizwe kuthwe yi opposition leader we ZAPU President, ngezinye indlela abantu kabavule amehlo babone bananzelele ukuthi lapha sidlalwa idog style egcweleyo," kutsho uBhubesi.
Unkosikazi Rita Malanga yinkokheli kwabesifazane bebandla leZapu. Uthi ngeke bekele iZapu isifa
"President kangiyifuni le le SU wakhe kabahambe ngoba abazanga kwakha bazodiliza. Thina silengoma ethi iZAPU kayisoze ibulawe ngoba sikhona, sikhona ukuthi ayisoze ife kakuphume bona. Ngu Hanana ufundise iSibangilizwe into engekhoyo uSibangilizwe kazi lutho umnta kamlimu, kazilutho wehluleka lokukhuluma ubone aze amkhulumele ekuseni uMbaiwa efile athi khonakhona uPresident uyagula kasoze akwanise ukukhuluma uzalibingelela emangcwabeni. Asukume akhulume kodwa u Vice President ekhona manje uVice President umsebenzi wakhe ngowani," kutsho uMalanga.
Omunye obebhikitsha ukuthi uNkomo akhitshwe ngu Nkosazana Gertrude Ncube odabuka esiqintini seLupane.
"Sathi sifika ekhethweni sathola ukuthi kulabantu ababebhasiwe ababebuyile, ngabuza mina ukuthi kathi abantu laba bavela ngaphi ngoba eLupane its very difficult ukuthi umthole umuntu okhuluma isiShona . Abantu labana bacina sebe demand izinkwa ukuthi "tahwa nenzara tabvira kare takagara pananapa" livela ngaphi? Bathi "tatorwa ku Blue Lagoon" Thina vele asimfuni mina njengami angifuni kukhuluma amanga mina iZAPU irevivwe yimi," kutsho uNcube.
Amalunga amanengi ebandla le Zapu axotshwa amanye ekhitshwa ezikhundleni ngumongamelli weZapu okuyinto ekhathaza ezinye inkokheli zalelibndla. UNkosazana Livenet Tshuma yinkokheli kulelibandla koBulawayo.
"Phelandaba district secretary, mina into engani ayingiphathi kakhulu ku ZAPU okwakhathesi. Kudala ku ZAPU ensukwini ezidluleyo iZAPU kade imnandi sikholisa kodwa kathesi ku ZAPU akusela kuphumula ngoba sonke sikhathi siyabe sikhala ngabantu abantu abaxotshiweyo. Sicela kungabi lokuxotshana kuZAPU," kutsho uNcube.
Esabelweni seMatabeleland South bakhona labo abathi uMongameli we Zapu abamfuni ngoba udabula iZapu phakathi. Unkosikazi Tenday Sibanda uthi uzwa ubuhlungu.
"Vele ma si devided sizasebenza njani, ma vele singazanga sabambana vele akula lapha esizayakhona. Why kanti kwehlulani ukuthi sibanjaniswe inkokheli lakho ma isehluleka uyayekela ma kukwehlula tshiya ngoba kathesi thina iZAPU yiyo iparty esithembileyo yiyo ebesifuna ukuthi sifele kiyo labantwana bethu sibatshiye bekiyo. Kodwa manje ma isisenzenje so akukhanyi ifuture yayo ukuthi siyangaphi so mina ngikhala ngenkokheli ukuthi zehlulekile vele ziyehluleka vele akuthembisi lokuthi sizakwanisa ngoba ungabona umuntu esehluleka eseze sebona ukuthi kungcono ukuxotsha umuntu kutshukuthi vele kala plan," kutsho uSibanda.
Ngempelaviki amalunga ebandla leli angene ngenkani emahofisini eZapu ngesikhathi uNkomo labanye bakhe besemhlanganweni. UNkomo labanye bakhe bazivalela kuleyondawo kwaze kwangenela amapholisa. UMongameli walelibandla uMnu Sibangilizwe Nkomo uchaza ngodlame olwabakhona.
"Impelaviki le ephelileyo besile minhlangano lalolelo ilokhuzeni okuthiwa yiNational Executive Council le National People's council zilandelana amalanga. Ngelanga lokuqala sabona ke sokulabantu abazo bhikitsha phandle bethwele amagwaliba abhalwe ukuthi uSecretary General lo President kumele baphume enhlanganisweni hayi kwaba ke lomsindo khonaphana emahofisini ethu kwaze kwabuya abomthetho. IZAPU ayioze imswe ngimsindo womuntu oyedwa."
UNkomo uthi izitha zakhe yizo ezidala ukudlephana kulelibandla zisithi kalasikhathi eside ekuZapu ngakho kamelanga aphathe.
"Ngthe mina ngikhankasela ukuba ngumongameli we Zapu ngakwenza kwaba sobala ngakhuluma njalo nje lapho ebengihamba khona ezigabeni ukuthi iZapu ngizayikhipha ezikhweni zabantu ngiyibisele ebantwini kubanikazi. Yikho libone mhla weCongress sisiyakhetha ubukhokheli beZapu kube lokubangiswa kubelokuthathelana enkantolo ukuthi kuyemiswa icongress. IZapu yayisiyenze isiqinisekiso sokuthi mina ngililunga elipheleleyo leZapu," kutsho uNkomo.
Amanye amalunga alinhlanganiso aphanyeke udaba lolu emthethwandaba ecela ukuthi kwenziwe isinqumo sokususa uNkomo esikhundleni sikaMongameli webandla leZapu, udaba lwakhona alukathethwa kodwa uNkomo uthi kayindawo.
