Amabandla aphikisayo, abakunhlanganiso ezizimeleyo labalandela ezombusazwe bathi kunengi okungenziwa ngemfanelo kulez’insuku nguhulumende kaMongameli Emmerson Mnangagwa, obopha abantu mahlayana.
Bathi ukugwetshwa komlobi olodumo, uNkosazana Tsitsi Dangarembga, ukuvalelwa entilongweni kwamalunga edale lephalamende uMnu. Job Sikhala loGodfrey Sithole labanye babo njalo lokubotshwa kwamalunga eMthwakazi Republic Party lawe Zimbabwe Transformative Party, kuveza ukuba sokuzalele ingwe eZimbabwe.
Okwamanje abacatshangelwa ukuba badlelana lohulumende ngempelaviki babhombe indlu kaMnu. Sybeth Musengezi, ophikisa ubukhokheli buka Mnangagwa.
UMfundisi Useni Sibanda, umkhokheli wenhlanganiso yeZimbabwe Christian Alliance, uthi kumele kulondolozwe ilungelo loluntu eZimbabwe.