Umkhokheli webandla leMDC-T uMnu. Douglas Mwonzora usesole kakhulu izehlakalo zodlakela elizweni eziphathelane lezombusazwe, njalo uthi kufanele abantu bekhankasele ukhetho oluzayo ngokuthula.
Ekhuluma emhlanganweni lentathelizindaba ePress Club koBulawayo izolo ntambama, uMnu. Mwonzora uphinde wathi ibandla lakhe lizakwazisa ngelanga lomhlangano walo oweCongress lingaqedisa uhlelo lokwakha ingatsha zalo olwe re-structuring.
Uphinde wasola indlala esezigabeni zeMatabeleland, wathi kusobala ukuthi ziyabandlululwa kulezinye indawo elizweni. Okunengi ngaloludaba, asikuzweni kungxoxo uSithandekile Mhlanga weStudio 7 ayiqhube loMnu. Witness Dube, isikhulumeli seMDC.
