Kukhangelelwe ukuba umthethwandaba uzathonisa ngesiphangiphangi udaba lokuvimba umhlangano oqakathekileyo oweZanu PF Congress, oluphanyekwe enkantolo ngeviki ephelileyo ngumnu. Sybeth Musengezi.
UMusengezi uthi akumelanga kwenziwe umhlangano weCongress wokukhetho inkokheli entsha ngoba wamangalela uMongameli Emmerson Mnangagwa emthethwandaba esithi ufisa inkantolo yenze isinqumo sokuthi kangenanga ngemfanelo esikhundleni somkhokheli webandla elibusayo kulandela ukususwa esikhundleni ngodlame kowayengumkhokheli webandla leZanu PF, umuyi uRobert Mugabe.
Uthi abaqoqa umhlangano lo ngabantu abangakhethwanga okusemthethweni.
UMusengezi, olilunga lebandla leZanu PF uthi kumele kukhethwe abantu ngedlela eqondileyo kubandla leli hatshi ukususwa kwabantu ngodlame.
UMnu. Nqobani Sithole, igqwetha lika Musengezi, uthi bakhangelele ukuba udaba lolu luzathoniswa enkantolo ngesiphangiphangi.