GWANDA - Inkomo zibikwa seziqalisile ukucuba kwezinye indawo emangweni weMatabeleland South lapho osokuphele khona amadlelo lamanzi.
Izakhamizi ezixoxe leStudio 7 ziveze ukuthi sezidlela evalweni ngoba zilakho ukuphelelwa yizifuyo ngenxa yendlala.
Amanye amadamu abikwa esetshile, osekudala ukuthi inkomo zihambe imango emide zidinga amanzi.
Isakhamuzi seMatobo uMnu Lovemore Ncube uthe isimo sesisibi kakhulu esigabeni sakhe.
Amazwi kaNcube agcizelelwe ngukhansila kaWard 10, eShape, eGwanda South, uMnu Amon Clinic Nyathi.
Umqondisi wogatsha olubona ngokunakekelwa kwezifuyo eMatabeleland South uMnu Enat Mdlongwa utshele iStudio 7 ukuthi ubengakayitholi imbiko emayelana ngokucuba kwezifuyo.
UMnu Mkhunjulelwa Ndlovu, owogatsha lwezokulima emangweni munye, ukhuthaze abafuyi ukuthi bethengela inkomo zabo ukudla ukuze zingabulawa yindlala.
