Ingatsha zemfundo yePrimary leSecondary olwakwele South Africa lolweZimbabwe zilobelane isivumelwano sokusebenzisana lokwabelana amacebo emsebenzini wezemfundo ukuze abafundi bathi begqiba izifundo zeSecondary babe lolwazi lokuthi benze zifundo bani zokufundela imisebenzi abazayenza empilweni zabo.
Abalobe lesi sivumelwano bemele ohulumende babo ngabampathintambo bengatsha zemfundo emazweni womabili, uNkosikazi Evelyn Ndlovu wase Zimbabwe, osekwethekeleleni kweleSouth Africa, loNkosikazi Angie Motshekga.
Lokhu kwenziwe emhlanganweni oqhutshelwe eJohannesburg kweleSouth Africa ngoLwesine.
Ekhuluma eSoweto ngoLwesine, uNkosikazi Evelyn Ndlovu uthe iziqondiso zesivumelwano lesi zigoqela ukubambisana ekufundiseni abantwana kusetshenziswa ulwazi lwakulezi insuku olweTechnology lokwenza izifundo zabafundi zifane emazweni asezansi yezwekazi leAfrica ukuze kube lula ukuthi abafundi befunde loba kuphi.
“Sincedisane uku improva iquality of education in our respective countries. Ukuze abantwana abaphuma ezikolweni babe ne possibility ukuthi bangaqalisa amabhizimusi abo kungabi ngabantwana abayathi bephuma ezikolweni bememorayizile kuphela.”
Bavumelene njalo ukusebenzelana emihlolisweni yabafundi, ekubumbeni izikolo ezilohlonzi zokuxhasa abafundi abehlulekayo lokuxhasana enhlelweni zokuqeqetsha ababalisi.
UNkosikazi Angie Motshekga uthe kunengi kakhulu abakuhloniphayo ngemfundo labafuna ukukufunda emfundweni yaseZimbabwe. Uthe lokhu kugoqela ukuqeqetshwa kwamatitshala lokwaba ulwazi ngengqubo yezikolo ezizimeleyo.
“Sivumelane uku sapotana lokusizana kwi areas zecurriculum. Zimbabwe has a very good education system. Sharing notes even syllabus, assessments to say what are the things that we can learn in terms of their curriculum, their assessment, their learner support materials. They have very good learner support materials.”
Esebuzwa ngodaba lokuthi bazokwenza njani ngabafundi bezeZimbabwe abazasala esikhaleni ngesikhathi amapermit abazali babo ephelelwa yisikhathi ekupheleni komnyaka, umphathintambo Motshekga uthe lobanje lolu kuludaba logatsha lwendaba zasekhaya, bona ngeke benqabele umnthwana ofuna ukufunda ngesizatho sokuthi akalamaphepha.
“Uyabona mina ngidila lezaseclass rumini. Ezamapermit, ezamapassport I wouldn’t want to get into it because there is a minister dealing with that. I don’t want us to cross lines. Our law says any child ma ekhona siya admitha asibuzi nepasi siya admita. That’s why mina ngithi ma engumntwana siyamfaka eclasini asimxotshi. Ukuthi amaphepha yi home affairs.”
Esephawula ngaloludaba umphathintambo Ndlovu yena uthe esinye sezivumelwano zabo yikuthi benze kube lula ukuthi abantwana besikolo bafunde kungelanhlupho emazweni womabili. “Abantwana abafunda lapha ku agreement yonale sikhangelele ukuthi iSouth Africa yenelise ukuletha abantwana babo bezofunda kithi njalo sikhangeklele ukuthi iSouth Africa nayo ithi honour that ku agreement yonale … ukuthi abantwana basale lana befunda.”
Abaphathintambo laba bobabili bethekelele izikolo ezimbalwa eSoweto .
Kwesinye salezi izikolo iCurtis Nkondo babone izinto ezenziwa ngabantwana besecondary ezibalisa ukwenza amaspace rocket, ukuhlanza amanzi kusetshenziswa ulwazi lwezeScience, ukukanika imota kanye lokufaka amagetsi ezindlini. Leyinto engconywe kakhulu ngumphathintambo Ndlovu.
Kulamakhulu abafundi beZimbabwe abafunda kweleSouth Africa kanye lamatitshala eZimbabwe afundisa khona. Inengi lalaba bantu balakho ukubhekana lohlupho ekupheleni komnyaka ngemva kwesinqumo sikahulumende weSouth Africa esokwesula amapermit okufunda, ukusebenza lokuqhuba amabhizimusi ezizalwane zeZimbabwe eZiphose zifike izinkulungwane ezingamakhulu amabili - 180,000.