Ikhansili ye Harare ithi izaqhubeka isala ukulaywa okokuthenga loba ukubhadala nguhulumende okufana lemitshina yokucitsha umlilo, indawo yokulahlela izibi eye Pomona lokunye. Ithi njalo ifuna ukuzibuthanisela imithelo ebhadalwa ngabatshayeli hatshi luhlangothi olweZINARA.
Esipha umbiko wakhe wesimo seHarare uMeya walelidolobho, uMnu Jacob Mafume uthe ikhansili yakhe kayisozeigoqe izandla izakhamizi zibhadalela indleko ezingancedi muntu. Kunje uMafume uthi idolobho leli libhekane lodubo lokuswela imali kodwa uhulumende wenza okokuthabisa abangane ngokubhadalela indleko ezingancedi intuthuko yalo.
“ Imali leyi abasibhadalisa yona inengi kakhulu. Kabazange besibuze besenza lokhu. DSikholwa ukuba ikhona impahla yentengo ephansi”
Uqhubeke esithi indawo eziseduze le dolobho leli ziqhubeka zicela ukuphiwa imvumo yokuba yingxenye yedolobho leli.
“ Kulendawo ezinengi ezinengi esifuna ukuba zibe sedolobheni le Harare. Abantu abanengi bafuna ukuba se Harare, iHarare ayila mgcele ocacayo”
Umholi wenhlanganiso yezakhamizi eye Combined Harare Residents uMnu Marvelous Khumalo uthi idolobho leli kumele uhulumende kumele atshiyane lomkhuba wokufuna ukungenela embusweni wezabelo.
Ingcitshi ecubungula ezombusazwe uMnu Mkono uyakusekela lokhu.
Imizamo yokuthola umbono kahulumende ngaloludaba yehlule kodwa ekhuluma endaweni ebekwa amaqhawe izolo uMongameli Emmerson Mnangagwa uchothoze kakhulu amanye amakhansili esithi umsebenzi wawo uphazanyiswa ngamakhansila ebandla le MDC lele CCC agcwele inkohlakalo.
UMafume uthe idolobho leli lifuna ukwengezelela indawo zokuncwatsha kwabantu esithi indawo lezi seziphelile. Uqhubeke esithi idolobho le Harare selihlanyele izihlahla ezifika inkulungwane ezintathu-3000 njengendlela yokugcina amaxhaphozi. Uthe uzahlangana labantu abathengisayo emigwaqweni esithi idolobho selithethe isakhiwo se Charter House ukuze abalimi bethole indawo yokugeza lapho bezothengisa ukudla kwabo erenkini ye Mbare.
UMafume uthi udolobho selibeke ama tower light afika ikhulu 102 emalokitshini ehlukeneyo e Harare. Kwezempilakahle uthe idolobho leli lizimisele ukulwisana lomkhuhlane we Covid-19 esithi isibhedlela ze dolobho leli zisebenza lomphathintambo weze mpilakahle.