Ngaphandle Kwenguquko, Ukhetho Oluzayo Alusoze Lube Ngolukhululekileyo, Kutsho iEU

WASHINGTON DC - Umanyano weEuropean Union (EU) uthi uhulumende weZimbabwe engekela ukuguqula indlela aphatha ngayo ezokhetho, ukhetho lomnyaka ozayo alusoze luqhutshwe ngendlela esuthisayo njalo ekhululekileyo.

Isixwayiso lesi sikugwalo olwethulwe yilumanyano eHarare ngoLwesihlanu oluhlaziya okungahambanga kuhle kukhetho luka2018.

I-EU ithi umumo okhona okwamanje awuvumeli abamabandla aphikisayo ukuthi bakhankase bekhululekile.

Ngokunjalo, ithi kunengi uhulumende amele ekulungisise kungakenziwa ukhetho luka2023.

Ithi njalo phakathi kwezixwayiso zayo ezingamatshumi amabili lantathu, 23, ezikhangelane lalokho ebona kumele kulungiswe, uhulumende usebambe ezimbili kuphela.

Lumbiko uza ngesikhathi abamabandla aphikisayo bekhala ngokuthi uhulumende seqalisile ukubahlukuluza lokubethusela phambilini kokhetho. Kodwa abeZanu PF bayakulandula lokhu.

Ohlaziya ezombusazwe uMnu Ambrose Sibindi utshele iStudio 7 ukuthi ngempela akungeke kwaba lokhetho olukhulekileyo eZimbabwe ngaphandle kwenguquko.

Embed share

Ingxoxo loMnu Ambrose Sibindi

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:03:19 0:00

Lapho esitholakala khona

• 16 kbps | MP3
• 32 kbps | MP3
• 48 kbps | MP3

Ukudlala

Kusenjalo, umeli weZengeza West ephalamende njalo elilunga leCCC uMnu Job Sikhala ubesemthethwandaba njalo ngoLwesihlani lapho obekuhluzwa khona isicelo sakhe sokuthi umahluli othetha icala lakhe uMnu Ngoni Nduna asuke liphathwe ngomunye.

USikhala ubhekane lamacala amanengi agoqela elokuphehla udlame lolukuvimba ingalo yomthetho. Uzakutsho ngoMvulo ukuthi uyasuka yini kulelicala kumbe uyaqhubeka.