WASHINGTON DC - Ikhomishini ebona ngokuqhutshwa kokhetho, iZimbabwe Electoral Commission (ZEC), ithi abantu asebabhalesela ukuvota kumele bayehlola ukuthi imininingwane yabo ibhalwe kuhle yini kuluhlu lwe-voters roll.
Kumbiko ewethule ngoLwesibili, likhomishini ithe uhlelo lolu luzavulwa mhlaka 17 kulinyaka luyephela mhlaka 26.
Ithe lowo lalowo kumele ayehlola imininingwane ykhe lapho azavotela khona, kuma-election centers, ukuze nxa kukhona okuyabe kuphambanisekile kulungiswe ukwenzela ukuba uhlelo lokudwetshwa kutsha kwendawo zabameli, olwe-delimitation, luqhutshwe kuhle lokuthi umuntu enelise ukuvota kukhetho luka2023.
Likhomishini yazise njalo ukuthi umuntu uyenelisa ukuhlola imininingwane yakhe ngokutshaya ucingo kunombolo ezithi *265# kumbe ngokuya ku-website elekheli ethi bvrinspection.zec.org.zw.
Isikhulumeli senhlanganiso yeEkhayaVote2023 uMnu Nkosikhona Dibiti utshele iStudio 7 ukuthi kuqakathekile kakhulu ukuba abantu baphakamele phezulu bayehlola amabizo abo.
