Uhulumende uthi namuhla uzengezela iholo lezisebenzi zakhe ngokuphindwe kabili, kodwa amatitshala athi isilinganiso lesi siphansi kakhulu.
Sikhuluma nje obongi bathi kabayi emsebenzini namuhla lanxa iholo lizakhwezwa ngokuphindwe kabili, i-100 percent.
Inhlanganiso yabongi, eye Zimbabwe Nurses Association ithi abongi bazabuyela emsebenzini nxa kuphela uhulumende engabaholisa ngedola leMelika imali edlula amakhulu amahlanu, US$540 ngenyanga.
Isiphathamandla senhlanganiso yamatitshala eye ZIMTA, uMnu. Sifiso Ndlovu utshele iStudio Seven ukuthi lanxa bengavumelani lesilinganiso sokukhwenwa kweholo labo bazaqala baphe inkulumo ithuba andubana bathathe amanyethelo okutshengisela.
