Amabhizimusi amanengi eTsholotsho abhidlizwa yikuqhamuka kobhubhane lweCOVID-19 kusukela ngomnyaka ka2020 kulandela ukufakwa kweziqondiso zokuvikela ukumemetheka kwaleli gciwane nguhulumende weZimbabwe phansi kohlelo olweLockdown.
Ukuqhamuka komkhuhlane lo kubiselemuva intuthuko kulesisigaba wenza osomabhizinisi abanengi bavala kukanti abanye bawa bevuka besiyaphambili.
UNkosazana Pretty Dube ulevinkili lomkulu wokudlela. UMaDube ngomunye owaphanjaniswa yiCoronavirus.
"Aaa kwadropha kakhulu, sasivaliswa ngeskhathi soneso esifunakalayo sivale ngababesifuna, ukuvula ngeskhathi esifunakalayo sphinde sivale ngeskhathi esifunakalayo esibekwe nguhulumende. Mina ngiyapheka, yi-grocery yi-restaurant.”
UMnu. Orderly Vundla ulungisa izimota lenqola kunye lokwakha. Yenake uthi ubhubhane lolu lubatshiye bewile.
"Hayi icorona istshayile thina khonapha sithembe abantu beGoli manje hanti eGoli uyabona kulezinsuku kule lockdown … Isitshayile ibusiness yayaphansi kakhulu."
Izakhamizi zalumango zithi amavinkili abemanengi okwamagama eTsholotsho, kunje amanye asayakhiwa amanye akhiwa kudala. Kodwa zikhala ngobunzima imali ayikho lokhu kwaqala lolubhubhane abantu belahlekelwa yimisebenzi.
UMnu. Mduduzi Sibanda, umgcinisihlalo weTsholotsho Open Market Association, uthi inengi labantu lincediswa yizihlobo labangane abahlala lokusebenza emazweni.
"Abantu lapha bayaphila but into ebaphilisayo kakhulu lapha eTsholotsho nxa ngikhangele kakhulu kakhulu bancedwa ngabantwana abantwababo abaphandle abasebenzela kubo South Africa kubo Botswana labanye abatsheya kudiaspora kubo UK ngaphingaphi emazweni atshiyeneyo kodwa nje khonalapha hayi ubunzima bukhona sibili."
Abanye ukubuya kwegciwane leCovid-19 kwaba vulela amathamsanqa amabhizinisi abo akhula. UNkosazana Yvonne Sithole ngomunye wabathuthukiswa yiLockdown.
"Sagainer more customers during lockdown. During lockdown ama-flea markets ayevaliwe so kwakungasela ndawo abantu ababethenga khona impahla yikho abantu abaqala ukubasazi khona kakhulu. Ngiyazi kwabanye yabambi but kimi yabanhle kakhulu ngoba saqala vele sirenta sathengithengisa saze sakwanisa ukwakha eyethu ishop. Ngiqalisa ofcourse ngangizitshela ukuthi lami ngizadinga umsebenzi ngiqhatshwe but ngithe sengiphakathi ngasengitshintsha ngabonukuthi hayi angisafuni kusebenzela ukuyaqhatshwa."
Uyaphambili uMaSithole ekhuthaza osomabhizimisi ukuthi babekezele.
"Ama challenges yikuthi ibusiness ma uyiqala ayihli ikhule ,kumele ubekezele step by step. Abanye abantu they fail ukuthi ba understande ukuthi ibusiness ayihli iphakame kaone kumele uyibekezelele uznike iskhathi sokubekezela ungajahi. Kufana lokuthi ma ulima emasimini akuhlE kukhule same time it takes time usiw a uvuka lapha lalapha up untill uzuthole more customers."
Lanxa isimo somnotho sisibi ukhansila walumango, uMnu. Phumuza Z. Dube, uthi uyamukela ukuvulwa kwamabhizinisi amanengi esigabeni sakhe.
"Icompetition ezitolo iright ibekhona ukwenzela ukuthi amaprice ayehle because nxa umuntu izitolo zingabalutshwana abantu baba lamaprice adulayo so khathesi kuright izitolo zingaba zinengi so uzafeyinta khonaphana esitolo uzangena kokunye. Abanye benza ama-resturant benza amashops atshiyeneyo. Then we are moving to ama light industries.”
Loba inengi lamabhizinisi lidonsa nzima, isiqinti seTsholotsho siqhubekela phambili sivula amabhizinisi ikakhulu evulwa yizizalwane zalumango esezihlala kwamanye amazwe.